O BAXI Ferrol formará no grupo K da tempada regular da EuroCup Women, logo do sorteo celebrado pola FIBA este mércores en Múnich.

O equipo ferrolano, que partía como cabeza de serie, enfrontarase ao SL Benfica portugués, ao MB Zaglebie Sosnowiec polaco e ao gañador da eliminatoria previa que disputarán o SBS Ostrava checo e BBC Troistorrents-Chablais suizo.

A competición comezará en Lisboa na segunda semana de outubro, mentres que o debut na Malata será o 15 de outubro fronte ao gañador da previa.

As datas e horarios defnitivos de xogo pecharanse nos vindeiros días.