As xogadoras do primeiro equipo realizaron unha visita institucional ás oficinas centrais de Pull&Bear co obxectivo de coñecer de primeira man o funcionamento interno dunha das grandes multinacionais da moda a escala global.

Durante a xornada, a expedición do club tivo a oportunidade de achegarse aos distintos departamentos da compañía, descubrindo os procesos creativos, loxísticos e organizativos que forman parte do día a día da firma. A visita permitiu tamén intercambiar impresións sobre valores compartidos como o traballo en equipo, a innovación e a procura constante da excelencia.

Desde o club queremos agradecer a Pull&Bear a súa hospitalidade e a oportunidade de vivir unha experiencia tan enriquecedora, que reforza os lazos entre o deporte e o tecido empresarial.