O BAXI Ferrol continúa perfilando o seu proxecto deportivo para a tempada 2026/27 coa incorporación de Iva Belosevic, xogadora croata que chega procedente do SBS Ostrava para reforzar o cadro ferrolán.

Belosevic destaca pola súa intensidade competitiva, capacidade física e experiencia internacional, características que lle permitirán achegar solidez e versatilidade ao equipo dirixido por Lino.

Ademais, a nova xogadora do BAXI Ferrol xa coñece o ambiente da Malata, pavillón no que xogou esta mesma tempada como visitante durante a EuroCup Women defendendo as cores do SBS Ostrava. Agora regresará a Ferrol para facelo como local e formar parte do Inferno de Punta Arnela.

Coa incorporación de Iva Belosevic, o BAXI Ferrol segue sumando talento e ambición a un proxecto que buscará continuar competindo ao máximo nivel na tempada 2026/27.